Mi komencas dubi en la sencon de regulaj sanekzamenadoj.  Finfine chiam oni trovas ion malghustan au suspektindan, kio bezonas kuracon au pluran ekzamenadon kaj rezulte oni perdas nekredeble multe da mono kaj tempo kuracante aferojn kiuj tute ne ghenas kaj ne doloras.  Chu ne pli bone pasigi la plejparton de sia vivo sen kuracistoj kaj ekzamenighi nur tiam, kiam io nin maltrankviligas au turmentas?...
Mi povas imagi mian patrinon akre kontraustari tiun opinion!  Shi regule ekzamenas chion, trovas diversajn malperfektajhojn kaj diligente kuracas ilin.  Kaj ja shi havas ankau verajn malsanojn, tiajn, kiujn necesas kuraci, char ili ghenas la vivon!  Do rezulte preskau ne estas semajno, en kiu shi ne havus planitan viziton al iu kuracisto au ekzamenadon.  Tiamaniere shi kredas, ke shi gardas sian vivon kaj sanon. Se tiel, eble ne malbone.
Kaj tamen por mi kurado inter klinikoj estas iritiga!  Ech se oni povas tiamaniere plilongigi sian vivon, kio el tio, se tiun plilongigitan parton oni chefe pasigas en la atendejo de kuracejoj?! Au nervozighante pri iuj maltrankviligaj faktoroj, kiuj kutime finfine montrighas tute nedangheraj? Chu ne pli bone vivi gaje, senkonscie, kaj iutage simple morti, ne gravas pro kio?
Aha, mi aldonu, ke mi tute ne intencas troigi pri tio. Kiam necesas, mi iros al kuracisto, se io estas suspektinda, mi ekzamenighos. Mi nur ne volas permesi, ke vizitoj al kuracistoj farighu mia chefokupo!

Interese, mi jhus trovis en iu medicina libro informon, ke oni oficiale agnoskis, ke regulaj ekzamenadoj ne havas grandan signifon pri plilongigo de vivo. Ili estas kutime tro gheneralaj por malkovri iun veran malsanon, kaj tro ofte la rezultoj ne estas precizaj. Ha! :)

Jes, mi plene konsentas. Multaj homoj mortas malgraux ekzamenojn, cxar dangxeraj malsanoj ne estas simple gxuste interpretita per kuracisto.
Mia propra patrino longe vivis kun kancero pensante, ke havas simplajn stomakproblemojn.
Mi opinias, vi ne perdu tempon, se io ne maltrankviligas vin. Sed, tamen, se io almenaux iomete maltrankviligas vin vi tamen ne neglektu la problemon.
Kaj kuracistoj foje estas kiel juristoj... Ili vivas dank al ni ;) do ili foje povas konsili nenecesajn ekzamenojn aux simple multekostan konsilviziton.